Agenda Singulara

L’Agenda singulara 2026/2027/2028 es un nòu produch editorial que prepausa un biais innovant de consignar la vida vidanta. S’agís d’una agenda triennala en format setmanièr que permet de seguir tres ans de vida, setmana per setmana, dins un sol volum. L’agenda se pòt crompar en linha dins la botiga de Jornalet e tanben dins qualques librariás e musèus de Catalonha.

Un dels elements mai remarcables de l’Agenda singulara es son caractèr multilingüe. I trobam de contenguts en catalan e en occitan —amb preséncia del gascon (aranés e tanben bearnés), del lengadocian, del provençal, del vivaroalpenc, de l’auvernhat e del lemosin—, e tanben en castelhan, francés e italian. Lo projècte es publicat amb l’idèa de promòure l’occitan.

Cada dobla pagina presenta la meteissa setmana de l’annada per tres ans consecutius: 2026, 2027 e 2028. Aquel format permet d’i notar d’eveniments personals, de cambiaments vitals, de projèctes, d’emocions o de faches imprevistes, e de los tornar legir amb perspectiva. L’agenda pòt ansin venir un vertadièr «quasèrn de vida».

Cada setmana inclutz tanben de tèxtes brèus e d’illustracions originalas restacadas al cicle del temps: de fenomèns astronomics, de trabalhs dels païsans, de natura e de tradicions catalanas e occitanas. I figuran las lunas plenas, los solsticis, los equinòccis e los movements de la Tèrra a l’entorn del Solelh.

Pensada e realizada per Càpsula Comunicació, una pichona entrepresa catalana, l’Agenda Singulara revendica lo papièr coma un espaci de memòria e de reflexion dins un Mond dominat pels ecrans. Un objècte util, singular e concebut per èsser servat.