Eth Petit Prince

Eth Petit Prince d’Antoine de Saint-Exupéry ei un des libres mès coneishudi e reviradi deth Mond. E tanben ei un des qu’an mès versions en diuèrsi variantes dera lengua occitana. 

Era tièra de traduccions occitanes qu’ei:

• en gascon, Lo prinçòt, revirat per Pèire Morà (Princi Negre, 1995),
• en gascon aranés, Eth petit prince, revirat per Verònica Barés (Jaume Arbonés, 2005),
• en lemosin, Lo prinçonet, revirat per Paul Rainal (Tintenfass, 2011),
• en lengadocian, Lo princilhon, revirat per Jòrdi Blanc (Vent Terral, 1994),
• en provençau rodanenc e grafia mistralenca, Lou pichot prince, revirat per Andrieu Ariés (Edisud, 1995),
• en provençau rodanenc e grafia mistralenca, Lou princihoun, revirat per Peireto Berengier (Tintenfass, 2011),
• en niçard e grafia mistralenca, Lou pichin prince, revirat per Albèrt Rosso (Princi Negre, 2002 e 2007),
• en vivaroalpenc, en ua grafia locau, Ël pchi prinsë, revirat per Giovanna Jayme (Wesak Edicions, 2001),
• en parlar deth Creissent, Le pitit prince, revirat per Marie-Rose Guérin-Martinet (Verlag-Tintenfaß, 2020).

Eth manuscrit originau deth libre, en francés, Le petit prince, se tròbe en Nòva York, enes archius deth Morgan Library and Museum. Ei en aquera vila a on Saint-Exupéry escriuie e publiquèc entà prumèr viatge eth libre. Era prumèra edicion en França ei de 1946, quan er aute ja ère mòrt. Er escrivan e pilòt desapareguèc en vòl eth 31 de junhsèth de 1944 apròp de Marselha.

• Autor: Antoine de Saint-Exupéry
• Arrevirada de Verònica Barès
• ISBN: 978-84-0910-628-8
• 104 pagines
• Tampa rustica
• Editor: Jaume Arbonés
• An 2019 (Dusau edicion)