Ereus dera tèrra

Un libre tà abordar es debats claus des territòris de montanha e en especiau d’Aran coma un país singular. Er autor abòrde es rèptes de futur d’aguest espaci geografic damb ua guardada prigonda e transversau sus es problèmes de mès rabiosa actualitat coma eth cambi climatic, era despoblacion o er impacte dera economia globalizada enes economies de montanha. Aguest libre supòse tanben ua introspeccion ena experiéncia vitau deth pròpi autor que hè un interessant exercici de memòria personau e colectiva, damb un apassionant relat istoric e politic en un viatge, damb pincelades literàries e personaus, que mos transpòrte soent tath passat coma airina que pogue ajudar-mos a afrontar es rèptes que plantege eth futur mès immediat.

Auetz aciu un libre sus Aran. Non ei un libre de rebrembes, mès que n’i a. Non ei ua autobiografia, mès n’i a un pialèr de pincelades. Non ei eth tipic libre deth tipic politic, mès i a messatge politic e s’entreven propòstes entà Aran e tath conjunt deth país dignes d’èster prenudes en consideracion.

Ei un trebalh que nèish d’ua conviccion e d’ua volentat personau d’apregondir e compréner es rèptes de futur des aranesi, en tant que ciutadans d’un territòri singular e diferenciat. Sò segur que moltes d’aguestes reflexions que trobaratz en aguest libre son inquietuds compartides per persones qu’an vist e viscut era evolucion des pòbles aranesi.

Francés Boya ei autor de diuèrses publicacions relacionades damb era montanha e era Val d’Aran. Eth libre de relats L’Alè del Bosc e era novèlla Presoèrs dera mar Gelada, revirada tanben ath catalan, sigueren es sues darrères publicacions. Politic e music, a estat tostemp un activista compromés damb era cultura aranesa. Actuaument, ei portavotz deth grop d’UA ena Deputacion de Lleida e siguec sindic d’Aran, senador e deputat en Parlament de Catalonha. Ena actualitat ei secretari generau entath Rèpte Demografic deth govèrn espanhòu.

• Autor: Boya Alòs, Francés Xavier 
• ISBN: 978-84-1303-082-1
• 192 pagines
• Tampa rustica damb solapes
• 155 x 220 mm
• Pagès editors. Colleccion: Garona Estudis Nº 7 
• Data de publicacion: Març 2019