Tintin en aranés

Tintin que parle occitan damb accent aranés dera man de Trilita edicions e Zephyrum edicions, amassa. Era arrevirada qu’ei a cargue de Tònho Castet Varela, escrivan aranés e dinamizador d’activitats culturaus en aranés dera entitat Es Paums, collaborador abituau de Jornalet, e tanben membre der Institut d’Estudis Aranesi- Acadèmia aranesa dera lengua occitana.

Damb aqueri títols, er aranés qu’ei eth parlar occitan que compde ja damb mès albums des celèbres aventures deth personatge d’Hergé, e eth mès parlat per Tintin. Amassa damb eth capitan Haddock e es inspectors Bertranet e Bertranon. D'auti albums de Tintin enquia ara publicadi en lengua occitana qu’an estat Las sèt bòlas de Cristal (1979) e Los cigarros deth faraon (2016), en lengadocian, e, en varianta provençau Li 7 boulo de Cristau e Lou tèmple dóu soulèu (2004), damb grafia mistralenca.