Era plaça deth Diamant

Publicat per primièr còp en 1962, Era plaça deth Diamant qu’ei un roman psicologic dera escrivana Mercè Rodoreda arrevirat en mès de 30 lengües e considerat un classic dera literatura catalana. Era version en occitan d’Aran ei de Manuela Ané.
 
Eth roman, magnificament escrit, sedusís pera sua sinceritat e dessenhe enes sues pagines un univèrs complet, qu'era adretia dera autora recree aparentament comòde e confortable mès, en definitiva, plen de situacions angoishantes, tristes, beròies e alègres, viscudes intensament pes personatges. Descriu exaustivament era Vila de Gràcia, en Barcelona, des ans anteriors ara Guèrra Civila enquia apruprètz es ans 1940. En aguest encastre, eth lector paupe era feblesa des èsters umans, e es personatges son unics e inimitables pera sua manèra de veir e víuer eth mon.
 
Era plaça deth Diamant qu’ei era istòria d'una beròia e febla serviciala d'ua pastissaria de Gràcia. Ua istòria d'ua grana prigondor e tanplan de bon liéger, sus es clarors e es ombres des persones, des sues relacions, dera societat sancera, der univèrs sancer. E tanben, e com era pròpria autora reivindiquèc, ei ua polida istòria d'amor.

• Autor: Rodoreda, Mercè
• Arrevirada de Manuela Ané
• ISBN: 978-84-9779-830-3
• 250 pagines
• Tampa rustica
• 135 x 210 mm
• Pagès Editors. Garona Classics Nº 2 
• Data de publicacion: Noveme 2009