Gramatica aranesa

Aguesta qu’ei era prumèra gramatica modèrna der aranés. Qu’ei ath madeish temps ua gramatica normativa e descriptiva. Qu’indique damb precision çò qu’ei corrècte e çò qu’ei incorrècte en occitan d’Aran, mès tanben es hèts de variacion mès arremercables: geografics, generacionaus o ben estilistics. Qu’ei un obratge util entàs especialistes, mès tanben tà toti aqueri que non en son, tanplan tàs que non saben parlar occitan. Qu’ei un libe sus er occitan e en occitan. Un obratge istoric e de referéncia.

Aitor Carrera (Balaguer, 1976) ei doctor en Filologia Catalana damb ua tèsi sus es parlars gascons dera Val d’Aran e des zònes comengeses vesies, professor de lengua e lingüistica occitanes ena Universitat de Lhèida e membre dera Cagira d’Estudis Occitans d’aquera institucion. A publicat fòrça trabalhs lingüistics sus er occitan en revistes especializades, ei autor deth prumèr monografic sus nòms de lòc aranesi escrit en aranés (Toponimia de Bausen es des Quate Lòcs, Conselh Generau d’Aran, 2001) e a participat es nombrosi congrèssi scientifics, a a on a exposat resultats de recèrces sus dialectologia, morfosintaxi o sociolingüistica occitana.

• Autor: Carrera Baiget, Aitor
• ISBN: 978-84-9779-484-8
• 288 pagines
• Tampa rustica damb solapes
• 160 x 220 mm
• Pagès editors. Colleccion: Garona Estudis Nº 1
• Data de publicacion: Gèr 2007
• Segona edicion, abriu de 2010