Istòria de Les

Aguest libre ei ua traduccion ar aranés deth mecanoscrit que Melquiades Calzado de Castro liurèc e Jèp de Montoya en deseme de 1989, e documente era istòria dera vila de Les des dera preistòria enquiath sègle XX.

Melquiades Calzado, neishut en Barcelona en 1924 e mòrt ena madeisha vila en 2017, arribèc ena Val d’Aran entà hèr es sues milícies universitàries en an 1947. Mès tà deuant cromparie ua casa en Les a on i demorarie damb era sua familha. Damb es ans, visitèc mès de vint institucions pertot eth mon en tot cercar documentacion entath sòn archiu personau dedicat ara Val d’Aran. Er Archiu Calzado ei ara sauvat en Archiu Generau d’Aran.

Eth libre, de 309 pagines, lo publiquèc er Institut d'Estudis Aranesi - Acadèmia Aranesa dera Lengua Occitana e lo presentèc en Sant Jòrdi de 2021.

• Autor: Calzado de Castro, Melquiades
• ISBN: 978-84-09-26051-5
• 309 pagines
• Tampa rustica
• 170 x 240 mm
• IEA-AALO. Colleccion Istòria, patrimòni e identitat
• Data de publicacion: Deseme 2020