Jornalet papier num.3: Encara i a combat

Après mai de tretze ans a far viure l’actualitat occitana sus Internet, Jornalet torna, un còp de mai, al papièr. Aquela edicion especiala, la tresena dempuèi la creacion del mèdia, se presenta coma un vertadièr «Reader’s Digest», ont se recampa los articles mai legits e mai significatius dels darrièrs cinc ans, revisats e reescriches per una lectura sul papièr que permeta lo temps long de la reflexion.

Se Jornalet en linha respond al ritme rapid e immediat de l’actualitat, la version en papièr vòl ofrir una lectura pausada, sens la pression de l’urgéncia. Es tanben un biais de dire que l’occitanisme a besonh d’espacis de memòria: d’aisinas que demòren, de paginas que se pòscan tornar dobrir après de setmanas o d’annadas.

Amb son format A4, sos 72 paginas en color e una mesa en pagina modèrna e atractiva, lo tresen numèro conten una seleccion d’articles qu’an marcada la vida de la lenga e de la societat occitana, e als quals tanben s’apondon de contenguts inedits.

Contenguts:

• Artús: encara un prenom refusat per l’estat civil francés
• De mèdias bascos, bretons e catalans parlan de l’afar del rèirenom d’Artús Varena
• Macron nèga publicament l’unitat de la lenga occitana
• La darrièra messorga exagonala!
• Fòrça Obrèra que carga contra l’ensenhament de l’occitan e deu basco
• Itàlia: de multas de 5000 a 10 000 èuros per emplegar pas l’italian
• L’occitan es tornat  als Jòcs Florals de Tolosa
• Lo mètro de Marselha parla occitan
• L’occitan es l’80a lenga mai influenta del Mond, segon lo Ministèri de la Cultura francés
• Aran: 31 ans en movement per usatge sociau dera lengua
• Entrevista de Jòrdi Suïls: «Cau que i age era idèa que i a bèth un que patís pera vitalitat sociau dera lengua e que la suenhe»
• Entrevista de Tamara Bayonne-Tchicaya: «Ai l’impression que causir d’escriure en
• Las quatre dimensions d’una revolucion lingüistica: lo basco ganha 261 000 locutors en trenta ans
• Kneecap: de la reviudacion del gaelic als prèmis Oscar
• Es mòrt lo cap istoric aborigèn australian Yunupingu a 74 ans
• Afganistan: las femnas empachadas de trabalhar per l’ÒNU
• L’estat francés utilizèt d’armas quimicas pendent la guèrra d’independéncia d’Argeria
• Dètz presenta lo reportatge sus las Resistentas de Larzac
• Descobèrta d’un fragment de cançonièr trobadoresc als  Archius de la Catedrala de Barcelona
• Montsegur revendica la memòria collectiva
• Era Val d’Aran arreconeishuda coma resèrva dera biosfèra pera UNÈSCO
• País Invisible prepausa a l’audiéncia una quatrena sason
• Descobrissètz @camp.liure, un espaci de creacion e d’experimentacion
• Un espectacle occitanocatalanogalèc a ganhat lo prèmi Ciutat de Barcelona de la musica
• La Seria es arribada a la television
• L’antropomorfisme qu’es aquò?
• Lo furry fandom
• L’intelligéncia artificiala e l’avenir del trabalh: un cambiament de paradigma imminent
• Lo pastís a l’aste
• En memòria de Pèire Pous
• Noa Tendero Jovaní: l’imatge coma traça de memòria e d’engatjament